“Флуминенсе” клубида тўп тепаётган бразилиялик машҳур ҳимоячи Фелипе Мело клублар ўртасидаги жаҳон чемпионати финали якунланганидан сўнг “Манчестер Сити” футболчиси Кайл Уокер билан жанжаллашиб қолди.

“Якуний ҳуштаг чалинганидан кейин Грилиш Мартинелли билан ёмон муомала қила бошлади. У жанжал учун энг кичик йигитни танлади. Мен ўрнимдан турдим ва уни итариб юбордим, кейин Уокер ёнимга келди. Ўшанда мен шунчаки жамоадошимни ҳимоя қилгандим", - деди бразилиялик ҳимоячи.

Эслатиб ўтамиз, учрашув Бразилия жамоасининг 0:4 ҳисобидаги йирик мағлубияти билан якунланган эди.