"Манчестер Юнайтед" "Штутгарт" ҳужумчиси Сера Гирасси учун курашдан воз кечишга қарор қилди. The Sun нашри хабарига кўра, "қизил иблислар" эътиборини "Севилья" ҳужумчиси Юсуф Эн-Носирига қаратган.
"Манкунианликлар" скаутлари марокашлик футболчининг сўнгги учрашувлардаги ўйинларини кузатиб боришди. Катта эҳтимол билан "Манчестер Юнайтед" африкалик футболчини январдаги трансфер ойнасида қўлга киритишга ҳаракат қилади.
Жорий мавсумда Эн-Носири 24 та ўйин ўтказиб, 9 та гол урди ва 2 та голли узатмани амалга оширди. Ҳужумчининг "Севилья" билан амалдаги шартномаси 2025 йилнинг ўрталарига қадар тузилган. Унинг трансфер нархи 18 миллион евро.
