"Манчестер Сити"нинг хорватиялик ярим ҳимоячиси Матео Ковачич клублар ўртасидаги жаҳон чемпионатида уч хил жамоа билан ғолиб чиққан биринчи футболчи бўлди.
У буни "Реал", "Челси" ва "Манчестер Сити" билан қилган.
Эслатиб ўтамиз, кеча, 22 декабр куни “Манчестер Сити” ҳамда Бразилиянинг “Флуминенсе” клублари ўртасида Клублар ўртасидаги ЖЧ-2023 финал учрашуви бўлиб ўтди. “Шаҳарликлар” 4:0 ҳисобида ғалаба қозониб, турнир ғолиби бўлди. Матео Ковачич 60-дақиқада майдонга тушди.
"Реал Мадрид" таркибида Ковачич 2016 ва 2017 йилларда ушбу халқаро турнирда ғолиб чиққан. Хорватиялик ярим ҳимоячи 2021 йилда "Челси" билан кубокни қўлга киритган.
Жорий мавсумда Матео Ковачич “Манчестер Сити” сафида барча расмий турнирларда 20та ўйинда иштирок этди ва битта гол урди.
