"Реал"нинг собиқ ярим ҳимоячиси, ҳозирда "Бетис"да ўйнаётган Иско Севилья клуби билан янги меҳнат шартномаси бўйича келишиб олди.
Mundo Deportivo журналистларининг хабар беришича, томонлар музокаралар олиб борган ва 2027 йилнинг ёзига қадар шартнома имзолашга келишиб олган.
31 ёшли ярим ҳимоячи ўтган ёзда "Реал Бетис"га ўтган эди. Томонлар ўртасидаги амалдаги келишув 2024 йилнинг июнь ойи охирида тугайди.
Испания чемпионатининг жорий мавсумида Иско 17 та ўйинда майдонга тушиб, 2 та гол ва 2 та голли узатмага муаллифлик қилган.
Ла Лиганинг 18-туридан сўнг Севилья клуби 28 очко билан турнир жадвалида 7-ўринни эгаллаб турибди.
