Бугундан Ҳамдўстлик кубогида ярим финал ўйинлари бошланади. Финал йўлланмалари учун ярим финал ва 5-ўрин учун курашиш имконини берадиган ярим финал ўйинлари. Куннинг биринчи ўйинида Ўзбекистон ва Қозоғистон ёшлар терма жамоалари майдонга тушишади. Бу жамоаларнинг гуруҳ босқичидаги биринчи ўйинида жароаҳат олиб майдонни тарк этган Игорь Пикалкин бўлажак ўйин ҳақида ўз фикрларини билдириб ўтди.

"Жароҳатдан кейин тикланиб олдим. ТИкланувчи машғулотлар ўтказишга ҳам улгурдим. Ўзимни яхши ҳис қиляпман. Россияга қарши ўйинни ўтказиб юбордим ва куч тўплаб олдим. Чорак финалда Беларусга ютқазиб қўйган бўлсак-да, мусобақадаги энг яхши ўйинимизни ўтказдик. Мураббий берган кўпгина топшириқларни бажара олдик. Энди олдимизда 5-ўринни эгаллай вазифаси турибди. Мусобақадаги шунча омадсизликлардан кейин мухлисларга кўпроқ нарсаларга қодирлигимизни исботлай оламиз, деб ўйлайман. Турнирнинг қолган 2 ўйинини яхши савияда ўтказамиз деган умиддаман", дейди ярим ҳимоячи.

"Ўзбекистонликларга қарши ўйин ярим финал ёки финал бўлмаса-да, бу ўйин биз учун муҳим аҳамиятга эга. Аламимизни олишимиз керак. Ўзбекистоннинг Россияга қарши ўйинидан кейинги ҳолати ҳақида шуни айтишим мумкинки, улар ҳам, биз ҳам бир хил ҳолатдамиз. Қандай ўрин учун курашишимиздан қатъи назар, барчамиз учрашувнинг муҳимлигини ҳис қилиб турибмиз", дейди Пикалкин.

Эслатиб ўтамиз, Ўзбекистон ва Қозоғистон терма жамоалари ўртасидаги ўйин Тошкент вақти билан соат 13:00да бошланади.