"Барселона" ҳимоячиси ва сардори Серхи Роберто "Интер" футболчисига айланиши мумкин.
Манбага кўра, милан клуби 31 ёшли футболчини эркин агент сифатида ўз сафига қўшиб олишни режалаштирган. “Интер” раҳбарияти январь ойи бошида испаниялик футболчига шартнома таклиф қилади.
Робертонинг ўзи ҳозирча ҳеч қайси клуб билан дастлабки шартнома имзолашдан манфаатдор эмас. Ҳимоячи "Барселона"да қолишни истамоқда.
Жорий мавсумда футболчи каталонияликлар сафида барча турнирларда саккизта ўйин ўтказиб, учта гол урган. Футболчининг шартномаси 2024 йилнинг июнь ойи охиригача амал қилади.
