Ҳужумчи Кристофер Нкунку якшанба куни "Челси" сафида Премьер-лигадаги дебютини ўтказди.

Француз гол уришга муваффақ бўлди, гарчи бу унинг жамоасига очко олишга ёрдам бермаган бўлсада ("Вулверхэмптон"дан 1:2 ҳисобида мағлуб бўлган).

Ўйиндан сўнг "аристократлар" бош мураббийи Маурисио Почеттино Нкункунинг ўйини ҳақида фикр билдирди.

“Нкунку гол урганидан жуда хурсандман. Бу унинг биз учун қанчалик муҳим бўлиши мумкинлигини кўрсатади.

Биз унга ортиқча босим ўтказа олмаймиз, чунки у анчадан бери сафдан чиққан. Шунинг учун у бугун 60 дақиқадан сўнг майдонга тушди.

Нкунку гол ура оладиган сифатли футболчи. Бугун у гол урганидан хурсандмиз, гарчи ғалаба қозона олмаганимиздан ҳафсаламиз пир бўлса-да.

Кристога вақт керак, аммо у биз учун асосий ўйинчига айланишига ишончимиз комил”, - деди Почеттино “Челси” сайтига.