Hujumchi Kristofer Nkunku yakshanba kuni "Chelsi" safida Premyer-ligadagi debyutini o‘tkazdi.
Fransuz gol urishga muvaffaq bo‘ldi, garchi bu uning jamoasiga ochko olishga yordam bermagan bo‘lsada ("Vulverxempton"dan 1:2 hisobida mag‘lub bo‘lgan).
O‘yindan so‘ng "aristokratlar" bosh murabbiyi Maurisio Pochettino Nkunkuning o‘yini haqida fikr bildirdi.
“Nkunku gol urganidan juda xursandman. Bu uning biz uchun qanchalik muhim bo‘lishi mumkinligini ko‘rsatadi.
Biz unga ortiqcha bosim o‘tkaza olmaymiz, chunki u anchadan beri safdan chiqqan. Shuning uchun u bugun 60 daqiqadan so‘ng maydonga tushdi.
Nkunku gol ura oladigan sifatli futbolchi. Bugun u gol urganidan xursandmiz, garchi g‘alaba qozona olmaganimizdan hafsalamiz pir bo‘lsa-da.
Kristoga vaqt kerak, ammo u biz uchun asosiy o‘yinchiga aylanishiga ishonchimiz komil”, - dedi Pochettino “Chelsi” saytiga.
