"Наполи" ярим ҳимоячиси Пиотр Зелиньски "Интер"га ўтишга рози бўлди.
Футболчининг "нерадзуррилар" билан оғзаки келишуви бир неча кун олдин маълум бўлган эди. Журналист Паскал Гуарро хабарига кўра, ярим ҳимоячи "Интер" билан яна бир йилга узайтириш имкониятини ўз ичига олган уч йиллик шартнома имзолайди.
29 ёшли полякнинг янги клубидаги маоши йилига 4,5 миллион еврони ташкил қилади. Миланликлар январ ойи бошида футболчининг ёзги трансферини расмийлаштириш ниятида.
Эслатиб ўтамиз, Пиотр Зелиньскига "Ювентус" ҳам қизиқаётган эди. Маълум бўлишича, футболчи "Наполи" билан муддати тугайдиган шартномасини узайтиришдан бош тортган.
