"Барселона" Роберт Левандовскини сотиш ҳақида ўйламоқда.
Бир неча бор таъкидланганидек, Каталония клуби 35 ёшли форварднинг жорий мавсумдаги ўйинидан мамнун эмас. Польшаликнинг ўзи ва унинг агенти 2025 йилгача кетиш имкониятини кўриб чиқмаяпти, аммо трансфер ҳали ҳам амалга ошиши мумкин. Хабарларга кўра, "Барселона" футболчини кейинги ёзда 20 миллион евро эвазига қўйиб юборишга тайёр. Роберт Левандовскига Саудия Арабистони клублари қизиқиш билдиришди, аммо ҳужумчи рад жавобини берди.
"Бавария"нинг собиқ юлдузи Хави Эрнандес жамоаси сафида бу мавсум 21 та ўйинда майдонга тушиб, 9 та гол ва 5 та голли узатмага муаллифлик қилган.