Ўзбекистон ёшлар терма жамоаси бош мураббийи Аҳмаджон Мусаев Қозоғистон билан ўйинда учралган мағлубият сабабларини Россия билан ўйиндан кейин юзага келган чарчоқ аломатлари билан изоҳлади.

"Сергей Боровский томонидан билдирилган илиқ фикрлар учун раҳмат. Ҳа, Россияга қарши мураккаб кечган ўйиндан биз ҳали чиқиб кета олмадик. Биз мусобақада ғолиб чиқмадик, аммо турнирдан жуда кўп нарса олдик. Бугун майдонга тушганлар мамлакатимз шаъни учун курашишлари керак эди. Баъзи йигитлар кўзида ўт билан ўйнамади. Қозоғистонликлар бизга нисбатан кўпроқ куч сақлаб қолгандилар. Шунинг учун улар тезкор гол ура олдилар. Қозоғистон — жанговар хислатга эга бўлган жамоа. Биз ҳам федерация вакиллари билан ўртоқлик ўйинларини ташкил қилиш борасида федерация вакиллари билан гаплашамиз", деди Аҳмаджон Мусаев.