"Челси" 27 декабрь куни бўлиб ўтадиган "Кристал Пэлас"га қарши АПЛ 19-тур учрашуви олдидан бир қатор асосий таркиб футболчиларисиз қолди.
"Вулверхэмптон"га қарши ўйинда (1:2) Лэсли Угочукву жароҳат олди. Коул Палмер ва Рахим Стерлинг ҳам мавсумдаги бешинчи сариқ карточкаларини олишди ва энди дисквалификация туфайли биттадан ўйинни ўтказиб юборишади.
Мойсес Кайседо ва Энцо Фернандес касаллик туфайли “бўрилар”га қарши ўйинни ўтказиб юборишганди.
Шунингдек, Бен Чилуэлл, Роберт Санчес, Трево Чалоба, Карни Чуквуэмека, Марк Кукурелья, Уэсли Фофана ва Рис Жеймс ҳам жароҳатдан тикланишда давом этмоқда.
"Челси" Премьер-лигада 10-ўринда бормоқда.
