"Бетис" спорт директори Рамон Планесга бир қанча клублар қизиқиш билдирмоқда.
Estadio Deportivo хабарига кўра, "Челси" унга иш таклиф қилмоқчи. Лондон клуби унинг ишини кузатиб бормоқда. Қайд этилишича, Планес "кўклар" бош мураббийи Маурисио Почеттинонинг дўсти ҳисобланади.
Рамонга Саудия Арабистонининг "Ал-Иттиҳод" клуби ҳам қизиқиш билдирмоқда, у унга катта маош билан 3 мавсумлик шартнома таклиф қилишга тайёр.
"Бетис" Планеснинг шартномаси 2026 йилнинг ёзига қадар амал қиладиган клубда қолишига ва ишлашда давом этишига ишонч билдирмоқда. Рамон шу йилнинг май ойида клуб спорт директори лавозимига тайинланганди.