Англия терма жамоаси ва “Манчестер Юнайтед”нинг собиқ футболчиси Гари Невилл “Ливерпуль”га (1:1) қарши ўйиндан сўнг украиналик “Арсенал” ҳимоячиси Александр Зинченкони танқид қилди.
"Зинченкони захирага қўйиб, бошқасини синаб кўриш вақти келди. У "Арсенал" учун жавобгардир. Зинченко энг юқори савияга эга бўлган Салоҳ каби футболчига қарши тўпни йўқотади. "Ливерпуль" билан ўйинда ўз жарима майдони яқинида ўйнаб, нима қилмоқчи бўлганини тушунмаяпман", - деди мутахассис.
Жорий мавсумда Зинченко Премьер-лиганинг 17та учрашувида қатнашиб, гол ва голли узатмани амалга оширди.
