Бу тоза субъектив шахсий фикрим:

1. Ўйнаган давлати. У ўйнаган давлат чемпионати бизникидан кучлими ёки йўқми. Мураббийларнинг энг кўп қиладиган хатоси айнан чемпионатимизга етарли баҳо бера олмаслик бўлади. Айниқса чет эллик мураббийларнинг.

2. Иккинчиси — ўйнаган жамоаларига қараш керак бўлади.  Энг кўп йўл қўйиладиган хатолар бу ўйинчи аввал катта жамоада ўйнаган бўлса "ооо катта жамоада ўйнаган экан" ёки "Англияда, Испанияда ўйнаган экан" дейилади. Аслида у фақат пастга қараб кетаётган бўлади. Ундай ўйинчиларни аксари дангаса, ишёқмас бўлади.

3. Ўйин статистикаси. Охирги нечта ўйинларда қатнашгани ҳам муҳим роль ўйнайди. Умуман ўйнамаган бўлса қандайдир жароҳати бўлиши мумкин. Характери чатоқ бўлиши мумкин. Бир тушиб, бир тушмай юрган бўлса ўйнаётган жамоасини қанчалик кучлилигига қараган маъқул.

4. Шунингдек, ҳозир пуллик платформалар чиқиб кетган. Ҳар бир ўйинчи ҳақида тўлиқ маълумот беради. Қайси ўйинда қандай ўйнаган. Неча маротаба тўп учун курашган, неча маротаба ютиб чиққан, неча маротаба тўпни олиб қўйган ва ҳоказо. Бундай платформалар пуллик ва қиммат туради. Ўйинчи олиб куйиб қолгандан кўра шундай платформаларга абонемент сотиб олган яхши.

5. Агентларнинг гапига ишониб қисқа видеолавҳалардан кўриб хулоса чиқармасдан. Бир нечта ўйинни тўлиқ кўриш керак. Айниқса мураббийлар. Кичик видеоларда ҳар қандай ўйинчидан Месси ясаб бериш мумкин.

Равшан Салимов.