"Манчестер Юнайтед" "Бавария" ярим ҳимоячиси Жошуа Киммихни қўлга киритиш учун даъвогарлар қаторида. Бу ҳақда 90min хабар берди.
Аввалроқ, Киммихни Англия Премьер-лигасининг яна иккита клуби - "Манчестер Сити" ва "Ливерпуль" қўлга киритишни истаётгани ҳақида хабарлар тарқалган эди.
Жошуа Киммих февраль ойида 29 ёшга тўлади. Ярим ҳимоячининг "Бавария" билан амалдаги шартномаси 2024/2025 йилги мавсум охиригача амал қилади. Transfermarkt портали немис футболчисини 75 миллион еврога баҳоламоқда.