Мадриднинг “Реал” клуби 2024 йил январь ойи бошида “ПСЖ” ҳужумчиси Килиан Мбаппе билан шартнома имзолашга уриниб кўриш учун керакли ҳужжатларни тайёрламоқда. Бу ҳақда испаниялик журналист Рамон Альварес де Монт ўзининг YouTube каналида хабар бермоқда. Эслатиб ўтамиз, Мбаппе аввалроқ хабар қилинганидек, келаси ҳафтадан бошлаб исталган клуб билан музокара олиб бориши мумкин.

Манбага кўра, келаси ҳафта, январь ойининг биринчи ҳафтаси Мбаппенинг "Реал"га ўтиши масаласида ҳал қилувчи бўлади. Маълум қилинишича, "Лос-Бланкос" франциялик ҳужумчи билан шартнома имзолаш учун зарур ҳужжатларни олдиндан тайёрлашга киришган. Бундан ташқари, "Реал Мадрид" президенти Флорентино Перес 2024 йил бошида режалаштирилган қўнғироқ қилиб, Мбаппедан у ҳали ҳам Мадрид клубига ўтишни хоҳлайдими ёки йўқлигини сўрайди.

Эслатиб ўтамиз, аввалроқ Мбаппе Париж клуби билан қишки трансфер ойнасида кетишга мажбурламаслиги ҳақида келишиб олгани ҳақида хабар берилганди. Бу “ПСЖ”га уни янги шартнома имзолашга кўндириш имкониятини беради.