“Палмейрас” ҳужумчиси Эстевао Виллиан Европанинг бир қатор клубларининг қизиқиши нишонига айланган.
"Mundo Deportivo" хабарига кўра, 16 ёшли бразилиялик футболчига "Барселона", "ПСЖ", "Манчестер Юнайтед", "Манчестер Сити" ва "Челси" клублари қизиқиш билдирмоқда. Унинг отаси октябрь ойида Манчестер, Париж ва Лондонда эди. Футболчининг ўзи аввалроқ Каталония жамоасига ўтишни ҳоҳлашини айтганди.
Бироқ, "Барселона" молиявий муаммолар туфайли Эстеваонинг трансфери бўйича секин ҳаракат қилмоқда, бу эса бразилияликнинг бошқа клубга ўтишига олиб келиши мумкин. Ҳужумчиларнинг товон пули 60 миллион евро. Каталонияликлар бундай пул тўлашга тайёр эмас.
Эстевао 2025 йилда, яъни 18 ёшга тўлганда, Европа клубларидан бирига ўтиши мумкин бўлади. "Палмейрас" ҳужумчини яқин орада сотиб, вояга етгунига қадар ижарада сақлаб қолмоқчи.