Янги тадқиқотлар шуни кўрсатдики, "Арсенал"нинг ўша, 2003/04 йилги жамоаси АПЛ тарихидаги энг зўр "бир кишилик" жамоадир. Тўпчилар ўша мавсумда 38 та турнинг бирортасида мағлуб бўлмай, ўзининг 13 чемпионлигини қўлга киритган эди. Аммо статистикага асосан, ўшанда Арсен Венгер жамоаси Тьерри Анрига қаттиқ суяниб қолган. Яъни, 2003/04 йилги мавсумдаги "Арсенал" урган голларнинг катта қисмини Анри киритган. У мавсумни 30 та гол билан тугатганди. Бу эса умумий урилган голларнинг 41 фоизини ташкил этди. Агарда Анрининг 30 голига Роберт Пиреснинг 14 та голини қўшак, бу кўрсаткич, 60 фоизгача кўтарилади.

Тьери Анри бундай ҳисоб-китоблар борасида Криштиану Роналду ва Эрлинг Холандни ортда қолдирди. Масалан, Роналду фантастик даражада ўтказган ўша 2007/08 йилги мавсумини 31 та гол билан тугатган. Аммо бу урилган голларнинг бор-йўғи 39 фоизни ташкил этади. Холанд эса ўтган мавсумда 36 та голга муаллифлик қилди. Бироқ, бу ҳам Анрининг 41 фоизидан ўтиб кета олмади. Норвегиялик 36 та гол билан 38 фоиз улушни ўзиники қилди холос.

Харри Кейн ҳам ўзига хос натижага эга десак, хато бўлмайди. Англия термаси сардори 8 мавсум давомида "Тоттенхэм" томонидан урилган голларнинг энг камида чорак қисмига муаллифлик қилиб келган. Умумий, Кейн 317 та АПЛ баҳсида 213 та гол уришга эришган эди.
Умуман олганда, "Саутгемптон" АПЛдаги энг яхши кўрсаткичга эга. Бу клуб 2002/03 йилги мавсумда жами 43 та гол урган. Шундан 23 тасини биргина Жеймс Бетти исмли ҳужумчи киритганди.

Таҳлилда, шунингдек, қайси клуб АПЛда драматик тарзда қолганига ҳам эътибор қаратилди. Бу жамоа эса "Астон Вилла" бўлиб чиқди. 2014/15 йилги мавсумда Кристиан Бентеке жамоанинг жами 42 фоиз голини уриб, бирмингемликларни АПЛда сақлаб қолган экан. Унинг 13 та голи, умумий 31 та голнунг 42 фоизи бўлди ва "Астон Вилла"ни 3 очколик фарқ билан АПЛда қолишини таъминлади.

ИСМАТОВ Ж.