Педри Испания Суперкубогида майдонга тушмайди.
"Барселона" ярим ҳимоячиси ўтган ҳафта машғулот пайтида мушакларидан жароҳат олди. Унинг 2-3 ҳафта ўтказиб юбориши хабар қилинганди.
Бироқ Mundo Deportivo хабарига кўра, жароҳат дастлаб тахмин қилинганидан ҳам жиддийроқ бўлиб чиқди. Каталониялик мураббийлар штаби шифокорлар ва физиотерапевтлар билан вазиятни муҳокама қилиб, ярим ҳимоячи январь ойи ўрталарида бўлиб ўтадиган Испания Суперкубоги учун ўйинларни ўтказиб юбориши керак деган хулосага келишди.
Қайд этилишича, футболчи аллақачон бу мушакидан жароҳат олган ва вазиятни оғирлаштирмаслик учун уни тиклаш мажбурий бўлмайди. Ҳозирги прогнозга кўра, Педри январь ойи охирида сафга қайтиши мумкин.
"Барселона" Испания Суперкубоги ярим финалида "Осасуна" билан куч синашади. Учрашув 11 январь куни бўлиб ўтади.
