"Манчестер Юнайтед" бош мураббийи Эрик тен Хаг Англия чемпионатининг 19-тури доирасидаги "Астон Вилла"га қарши ўйинда ҳужумчи Маркус Рэшфорднинг ўйини ҳақида фикр билдирди. Манкунианликлар 3:2 ҳисобида иродали ғалабага эришди.
"Менимча, Маркус яхши ўйнади. Аммо у бир мунча вақт касал эди. Шунинг учун биз Гарначодан фойдаланишга қарор қилдик. Бу йигит майдонга тушишга лойиқ. Жамоада рақобат бўлса, бу жуда яхши", - дея нидерландиялик мутахассиснинг сўзларини келтиради «қизил иблислар» матбуот хизмати.
19-турдан сўнг “Манчестер Юнайтед” 31 очко жамғариб, АПЛ турнир жадвалида олтинчи ўринда бормоқда.
