Кеча Чилонзор сунъий қопламали майдонида "Олмалиқ" навбатдаги назорат баҳсини ўтказди.
Бу ўйинда “Андижон”га қарши майдонга тушган футболчилардан икки ҳимоячи Градимир Црногорац ва Евгений Гоголдан бошқа футболчилар эрталабки машғулотлар билан чекланишди. Икки тайм давомида майдонда шиддатли кураш кечди. Учрашувда биринчи голни 21-дақиқада қанотдан Маъруф Муродов ошириб берган тўпни Исроил Эргашев бош билан дарвозага йўллади. Иккинчи гол эса жарима зарбасидан амалга оширилди. Самандар Шодмонов назорат баҳсларида “Олмалиқ” сафида тўртинчи голини урди. Орадан икки дақиқа ўтиб Дэвид Ония қўли билан Зоҳир Пиримовни жарима майдони ичида ушлаб қолгани учун пенальти белгиланди. Зафар Полвонов дарвозани ишғол этди. Аммо зарбадан аввал футболчилар жарима майдонига кириб кетганлиги боис, пенальти иккинчи марта амалга оширилди. Зафар бу гал ҳам бехато ҳаракат қилди. Ўйиннинг сўнгги дақиқасида Шерали Жўраев бош билан дарвозани ишғол этди. Ўйиннинг 63-дақиқасида “Олмалиқ” дарвозасига ҳам пенальти белгиланди. Баҳриддин Ваҳобовнинг зарбасини Умид Хонимқулов қайтаришга муваффақ бўлди.
Жамоамизнинг навбатдаги назорат ўйини 27 январь куни бўлиб ўтади. Шу куни жамоамиз Самарқанднинг “Динамо” жамоаси билан иккита ўйин ўтказиши режалаштирилган.
“Олмалиқ” – “Бухоро” 4:0
Голлар: Исроил Эргашев 21, Самандар Шодмонов 58, Зафар Полвонов 60 пенальти, Шерали Жўраев 90.
Ноаниқ пенальти: Баҳриддин Ваҳобов 63 (дарвозабон)
“Олмалиқ”: Роман Абдулов (Умид Хонимқулов, 46), Акмал Рустамов, Градимир Црногорац, Сирож Ҳамроев (Евгений Гоголь, 46), Баҳром Юлдашев (Маъмур Абдуллаев, 46), Исроил Эргашев (Шерали Жўраев, 46), Зафар Тўраев (Достон Абдураҳмонов, 46), Санжар Шоаҳмедов (Игорь Петкович, 46), Маъруф Муродов (Зоҳир Пиримов, 46), Александр Лупашко (Самандар Шодмонов, 46), Мўйдин Мамазулумов (Зафар Полвонов, 46).
“Бухоро”: Александр Антипов (Мақсуд Шабанов, 80), Евгений Кочнев (Георгий Квесиешвили, 46), Асқар Муҳиддинов, Шавкат Аббосов (Дэвид Ония, 46), Жамшид Ҳасанов (Алишер Саноев, 46), Отабек Нарзуллаев, Алишер Азизов (Отабек Валижонов, 71), Меҳрож Ғуломов (Алишер Маҳмудов, 46), Акобир Тўраев (Баҳриддин Ваҳобов, 33), Раҳимов Миршаҳоб (Шаҳзод Сулаймонов, 37), Нозим Умуров (Воҳид Шодиев, 33).
Ҳакам: Азиз Асимов.
