"Арсенал" ҳимоячиси Юррьен Тимбер кутилганидан тезроқ сафга қайтиши мумкин.
Олдинроқ нидерландиялик футболчи мавсумнинг қолган қисмини ўтказиб юбориш хавфи борлиги ҳақида хабар берилганди. Катта эҳтимол билан футболчи баҳоргача тикланишга улгуради.
Gunner Blog нашри маълумотларига кўра, Тимбернинг тикланиш жараёни яхши кетмоқда, аммо футболчининг тикланиши учун яна қанча вақт керак бўлиши ҳозирча номаълум.
Эслатиб ўтамиз, ўтган ёзда "Арсенал" Тимбер учун Амстердамнинг "Аякс" клубига 40 миллион евро тўлаган эди. 22 ёшли нидерландиялик футболчи Микель Артета жамоасида "Ноттингем Форест"га қарши ўйинда майдонга туша олди, ўшанда тиззасидан жароҳат олганди.
