"Манчестер Сити"нинг португалиялик ярим ҳимоячиси Бернарду Силва дўсти ва ватандоши Жоау Феликснинг "Барселона"даги ўйини ҳақида фикр билдирди.
"Мен "Манчестер Сити" каби клубга келдим, вақт ўтиши билан ўз хислатларим мослашиб борди, аммо бу "Атлетико"даги Жоау Феликс учун иш бермади. Ва бу "матрасчилар" ёки Жоаунинг танқиди эмас. "Атлетико" ҳар доим шундай ўйнайди, лекин Жоау бошқа услубга эга.
Балки мен ҳам "Атлетико"да муваффақият қозонмаган бўлардим. Мен уларнинг жамоасига мослашишга ва мураббийнинг фикрига амал қилишга ҳаракат қилардим, лекин мен учун бу жуда қийин бўларди», - деди Бернарду Силва Mundo Deportivo билан суҳбатда.
Жорий мавсумда Жоау Феликс клуб ва терма жамоа сафида 25 та ўйинда майдонга тушиб, 8 та гол урди ва 4 та голли узатмани амалга оширди.
