Американинг ESPN телеканали енгил вазнда UFC чемпиони Ислом Махачев (25-1) ва енгил вазн тоифасида яна бир чемпион Александр Волкановски (25-3) ўртасидаги биринчи жангни 2023 йилнинг энг яхши жанги деб топди.
“UFC 284 доирасида Махачев ва Волкановски ўртасидаги биринчи жанг классик эди. 5 раундлик эпик жангдан сўнг Ислом енгил вазн тоифасидаги чемпионлик унвонини сақлаб қолди”, — дейилади ESPN ижтимоий тармоқларида.
Махачев биринчи жангда Волкановскини ҳакамларнинг якдил қарори билан (48-47, 48-47, 49-46) мағлуб этди ва чемпионлик камарини ҳимоя қилди. Жанг 12 февраль куни Австралиянинг Перт шаҳридаги UFC 284 мусобақасида бўлиб ўтди.
Махачев ва Волкановски ўртасидаги иккинчи жанг 21 октябрь куни БААнинг Абу-Даби шаҳрида UFC 294 турнири доирасида бўлиб ўтди. Ушбу жангда россиялик австралияликни биринчи раунддаёқ нокаутга учратди.
