Сенегаллик ёш ярим ҳимоячи Папе Дауда Дионг "Челси"га ўтади. Бу ҳақда журналист Фабрицио Романо ижтимоий тармоғида хабар берди.
Манба берган хабарга кўра, лондонликлар 17 ёшли ярим ҳимоячини "Дару Салам" клубидан трансфер қилишга рози бўлган. Футболчи келаси ёзда вояга етганидан сўнг "Челси"га ўтади. Ҳозирча трансфер суммаси аниқланмаган.
Эслатиб ўтамиз, Дионг сўнгги ЖЧ-2023да Сенегал ёшлар терма жамоаси таркибида икки марта майдонга тушганди. Африка терма жамоаси 1/8 финалга чиқди ва унда турнирнинг бўлажак кумуш медали соҳиби - Франция терма жамоасига пенальтилар сериясида мағлуб бўлди - (0:0, пенальтилар бўйича 3:5).
Олдинроқ "Челси" Германия Бундеслигаси ҳужумчилари Виктор Бонифас ва Бенжамин Шешкога қизиқиш билдираётгани ҳақида хабар берилганди.
