"Бавария" ярим ҳимоячиси Жошуа Киммих тез орада Англия Премьер-лигасига ўтиши мумкин. Бир пайтлар Киммихни "Бавария"га олиб келган "Манчестер Сити" устози Пеп Гвардиола немис билан қайтадан бирлашишга қизиқмоқда.

Talksport хабарига кўра, "Манчестер Сити" яқин келажакда ярим ҳимоя чизиғини кучайтиришга интилмоқда, 28 ёшли Киммих бош мураббий Пеп Гвардиола учун устувор вариант. Киммихнинг "Бавария" билан шартномаси 2025 йилнинг ёзида якунига етади.

Томонлар ҳали янги шартнома тузишдан узоқда, шунинг учун мавсум охирида мюнхенликлар ярим ҳимоячини чегирмага сотишлари мумкин.