"Байер" қишки трансфер ойнасида марказий ҳимоячи Пьеро Инкапьени қўйиб юборишдан бутунлай бош тортди.
Liverpool Echo нашри хабарига кўра, "доричилар" "Ливерпул"нинг эквадорлик ёш футболчини трансфер қилиш бўйича ҳар қандай уринишларига тўсқинлик қилади.
Эслатиб ўтамиз, "мерсисайдликлар" қишда ўз сафига янги марказий ҳимоячини жалб қилмоқчи. Инкапье Юрген Клопп жамоаси учун устувор вариантлардан бири, аммо "Байер"нинг кескин позицияси туфайли трансферни тартибга солиш жуда қийин бўлади.
Инкапье хизматларига аввалроқ Англия Премьер-лигасининг бошқа клублари қизиқиш билдиришган.
