"Манчестер Юнайтед" дарвозабони Андре Онана январь ойида Камерун терма жамоасидан Африка Миллатлар Кубогига чақирув олганидан кейин жамоасига ёрдам бера олмаслиги ҳақида хабар берилганди. Камерун терма жамоаси Онана бўйича расмий таклиф юборди.
Аввалроқ, "Манчестер Юнайтед" Камерун терма жамоаси билан келишувга эришиб, Онана турнирга бормаслиги учун умид қилганди. Бироқ "манкунианликлар" Африка термаси билан музокараларда келишувга эриша олишмади.
Қайд этилишича, Онана йўқлигида “Манчестер Юнайтед”нинг асосий дарвозабони ўтган ёзда Туркиянинг “Фенербахче” клубидан “Олд Траффорд”га ўтган 25 ёшли Алтай Байиндир бўлади.
