"Манчестер Юнайтед"нинг собиқ футболчиси Пол Паркер ҳужумчи Расмус Хёйлундга бўлган танқидлар ҳақида гапирди.
Ўтган ёзда "қизил иблислар" яқин вақтгача AПЛда гол ура олмаган данияликнинг трансфери учун деярли 75 миллион евро сарфлаганди.
20 ёшли футболчи чемпионатдаги атиги 15-учрашувида “Aстон Вилла” дарвозасини ишғол қилиб, голсиз серияни бузди (3:2).
"Ҳамма Хёйлунд муваффақиятсиз бўлишига умид қилмоқда, чунки ҳамма «Манчестер Юнайтед»ни ёмон кўради. Бу дунёдаги энг катта клуб ва уни ўз мухлисларидан бошқа ҳеч ким севмайди.
Маҳаллий мухлислар Расмусни қўллаб-қувватлагани ва қўллаб-қувватлашда давом этаётгани яхши. Энди у "Aстон Вилла" билан ўйиндаги гол тасодиф эмаслигини исботлаши керак, улар ундан кўпроқ нарсани кутишади", - дея Паркернинг сўзларини келтиради UtdDistrict.
