"Милан" раҳбарияти "Айнтрахт" ва "Вольфсбург" клубларининг собиқ бош мураббийи Оливер Гласнер билан музокаралар олиб бормоқда. У Стефан Пиоли ўрнига номзод сифатида кўрилмоқда. Бу ҳақда журналист Рональд Морган ижтимоий тармоқда хабар берди.
Манбага кўра, 49 ёшли мутахассис "Милан"да мураббийлик лавозимини эгаллашга ниҳоятда қизиқмоқда.
Эслатиб ўтамиз, аввалроқ ОАВда "россонерилар" раҳбарияти Пиоли бошчилигидаги жамоа кўрсатаётган ўйин савиясидан норози экани ҳақида хабарлар тарқалган эди.
Гласнернинг сўнгги иш жойи Франкфуртнинг "Айнтрахт" клуби бўлиб, у ерда 2021 йилдан 2023 йилгача ишлаган. Австриялик мутахассис қўл остида Франкфурт клуби 2021/2022 йилги мавсумда Европа лигасида ғолиб чиқди.
