Журналист Сэм Блиц “Aрсенал” ярим ҳимоячиси Aлександр Зинченконинг “Вест Хэм”га қарши (0:2) AПЛ 19-туридан ўрин олган баҳсдаги хатоси ҳақида ўз фикрлари билан ўртоқлашди.
Эслатиб ўтамиз, 27 ёшли футболчининг ноаниқ узатмаси “канонирлар” дарвозасига гол урилишига сабаб бўлди.
Блицнинг фикрича, “Aрсенал” йирик учрашувларда Зинченко хизматига мурожаат қилмаслиги керак.
"Зинченко "Ливерпуль" билан ўйинда Муҳаммад Салоҳга қарши ёмон ўйин ўтказди, кейин эса «Вест Хэм»нинг голли ҳужуми пайтида ишончсиз ҳаракатлар қилди.
Балки, «Aрсенал» украиналик футболчидан воз кечиши вақти келгандир, айниқса катта ўйинларда", - деди Блиц.
Жорий мавсумда Зинченко “Aрсенал” сафида 24 та ўйинда майдонга тушиб, битта гол урди ва битта голли узатмани амалга оширди.
AПЛнинг 19-туридан сўнг Лондон жамоаси биринчи ўриндаги “Ливерпул”дан икки очко ортда қолган ҳолда турнир жадвалида иккинчи ўринда бормоқда.
