Италия футбол федерацияси кейинги мавсум учун клубларни лицензиялашнинг янги тизимини тасдиқлади.

Calcio e Finanza хабарига кўра, миллий чемпионат вакиллари 2024 йилнинг 4 июнига қадар УЕФA ва ФИФA шафелигида бўлмаган хусусий ташкилотлар томонидан ўтказиладиган турнирларда қатнашишдан бош тортганликларини ёзма равишда маълум қилишлари керак. Aкс ҳолда мавсум учун лицензия берилмаслиги мумкин.

Эслатиб ўтамиз, тахминан бир ҳафта олдин Европа суди янги футбол турнири – Суперлиганинг бошланишини қонунийлаштирган эди. Кўпгина клублар аллақачон ушбу лойиҳада иштирок этишдан бош тортишларини эълон қилишган. Турнир иштирокчилари орасида ҳозирча фақат "Реал Мадрид" ва "Барселона" қайд этилган.