Дортмунднинг “Боруссия” клуби ҳужумчиси Карим Aдейеми Нигерия терма жамоасида ўйнашни хоҳлашини маълум қилди.
"Aгар шундай имконият бўлганида, мен Нигерия терма жамоасида ўйнаган бўлардим. Бу катта истиқболга эга яхши жамоа. Бунинг учун ажойиб футболчилар ўйнашади. Менинг нигериялик илдизларим бор, отам Нигериядан.
Юрагим шу мамлакат билан", - деди форвард.
Эслатиб ўтамиз, Aдейеми Германия ёшлар терма жамоаси футболчиси ҳисобланади. Жорий мавсумда Карим ўз клуби сафида 18 та ўйинда майдонга тушиб, 2 та гол ва 2 та голли узатмага муаллифлик қилган.
