«Реал» ҳужумчиси Криштиану Роналду келаси ҳафтада ўтказилиши кутилаётган «Барселона»га қарши кубок баҳси ҳақида фикр билдириб ўтди.
«Бу жуда муҳим ва мураккаб ўйин. Биз дунёдаги энг кучли жамоалардан бири билан баҳс олиб борамиз. Ажойиб кеча бўлади.
Биз уйда ўйнаймиз. Яхши натижа қайд этиш учун имкониятларимиз етарли. Бизда бир қанча йўқотишлар бор, лекин бу муҳим эмас. Биз яхши ўйнашимиз керак бўлади, чунки «Барселона» - буюк жамао.
Бу ўйин биз учун омадли бўлишига умид қиламан. Учрашувни сабрсизлик билан кутаяпмиз»,- деб футболчининг сўзларидан иқтибос келтиради клуб расмий сайти.