Мюнхеннинг "Бавария" клуби ўз ҳимоя чизиғини кучайтирмоқчи ва бунга мос футболчини топди.
Журналист Санти Уна фикрига кўра, клубнинг январ ойидаги асосий трансфер мақсадларидан бири "Вест Хэм" марказий ҳимоячиси Тило Керер бўлади, у ҳам ўнг қанотда ўйнашга қодир.
Эслатиб ўтамиз, Керер аввалроқ Германия Бундеслигасида Гелзенкирхеннинг «Шальке» таркибида тўп тепган эди.
"Бавария"нинг амалдаги устози Томас Тухел "ПСЖ"ни бошқарганида немис футболчисини ўз жамоасига таклиф қилганди. Энди у яна ушбу ҳимоячини ўз сафига қўшиб олишга қарши эмас.
Керер "Вест Хэм"да барқарор ўйин тажрибасига эга эмас. 27 ёшли Тило жорий Aнглия Премьер-лигасида атиги 4 та ўйин ўтказди.
