ЦСКА собиқ ҳимоячиси Максим Боков Аббосбек Файзуллаевни Россия чемпионатининг энг яхши футболчиси деб ҳисоблайди.

“Ҳозирда Файзуллаев чемпионатининг энг яхши футболчиси. Дастлаб, Аббосбек ўзининг жисмоний имкониятлари билан кўпчиликда яхши таассурот қолдирмаганди, кейин эса ақли эвазига у барчадан ўтиб кетди.

Уни Европага олиб кетишадими-йўқми, билмадим, лекин у аниқ ЦСКАга фойда келтиради. Аббосбек клубда футболчи сифатида ўсмоқда. Агар у шундай ўйнашда давом этса, энг яхши клублар унга қизиқа бошлайди”, — дейди Боков.

Ўзбекистонда 2023 йилнинг энг яхши футболчиси деб топилган Аббосбек Файзуллаев жорий мавсум РПЛда 13 та ўйин ўтказиб, 2 та гол ва 6 та голли узатмага муаллифлик қилди.