Мюнхеннинг "Бавария" клуби Томас Тухель кетганидан кейин жамоани бошқариши мумкин бўлган мутахассисни танлади. Sport.es журналистларига маълум бўлишича, Германия чемпиони раҳбарияти бош мураббийлик лавозимига ҳозирда "Байер"да ишлаётган испаниялик Хаби Алонсони таклиф қилмоқчи.

Алонсо "доричилар"ни муваффақиятли бошқармоқда. Жорий Бундеслигада "Байер" 42 очко жамғариб, турнир жадвалида биринчи ўринда бормоқда. Леверкузенликлар иккинчи ўриндаги “Бавария”дан 4 очко олдинда.

Алонсо ва "Байер" ўртасидаги амалдаги меҳнат шартномаси муддати 2026 йилнинг ўрталарига қадар ҳисобланган.