2023 йилнинг сўнгги кунида "Тоттенхэм" "Борнмут"га қарши ўйнади ва 3:1 ҳисобида ғалаба қозонди.
Танаффус вақтида дарвозабон Уго Льорис майдонга тушиб, мухлислар ва клуб билан хайрлашди. Француз ҳатто "шпорлар"дан эсдалик мукофотини ҳам олган.
Жамоани тарк этаркан, Льорис таъсирли сўзларни айтди.
“Мен учун хайрлашиш вақти келди, лекин инсон сифатида эмас, балки шунчаки футболчи бўлиб хайрлашмоқдаман.
Мен бутун умрим давомида "Тоттенхэм" футболчиси бўлиб қоламан", - дея Льориснинг сўзларини келтирмоқда Лондон клуби матбуот хизмати.
Уго Льорис 2012 йилнинг август ойи охиридан бери «Тоттенхэм» шарафини ҳимоя қилиб келмоқда.
Жамоа сафида 444 та ўйинда франциялик футболчи ўз дарвозасидан 508 та гол ўтказиб юборган. Хабарингиз бор, 37 ёшли Льорис МЛС вакили бўлган "Лос-Aнжелес"га кўчиб ўтмоқда.
