"Верона" ҳимоячиси Корай Гюнтернинг агенти Эрсин Aкан унинг мижози қишки трансфер ойнасида фаолиятини Россияда давом эттиришга тайёрлигини айтди.
“Биз Россиянинг бир қанча клублари билан алоқадамиз. Корай Россияга келишга тайёр", - дея Aканнинг сўзларини келтиради РБ Спорт.
29 ёшли футболчининг Италия жамоаси билан шартномаси 2025 йилнинг ёзига қадар мўлжалланган.
Трансфермаркт уни 1,2 миллион еврога баҳоламоқда. Немис футболчиси жорий мавсумда майдонга тушмади. Бунгача Гюнтер Дортмунднинг «Боруссия», Туркиянинг «Галатасарой» клублари, шунингдек, Италиянинг бир қатор жамоаларида тўп тепган.