"Милан" ҳужумчиси Рафаель Леау фаолиятини "Ливерпул"да давом эттириши мумкин, деб хабар беради Sky Sports.
Манбага кўра, мерсисайдликлар бош мураббийи Юрген Клопп Португалия терма жамоаси футболчисининг хизматларига шахсан қизиқмоқда.
Эслатиб ўтамиз, 24 ёшли футболчи ўтган ёзда Италия жамоаси билан шартномасини узайтирганди, у эндиликда 2028 йилнинг 30 июнига қадар амал қилади.
Трансфермаркт портали уни 90 миллион еврога баҳоламоқда. Жорий мавсумда Леау барча мусобақаларда 20 та ўйинда қатнашиб, тўртта гол урди ва жамоадошларига бешта голли узатма берди.
