"Манчестер Юнайтед" январ ойида ҳужумчи Мэйсон Гринвуднинг келажаги бўйича музокаралар ўтказмоқчи.
Бу ҳақда The Athletic нашри хабар бермоқда. Ҳозирда 22 ёшли Гринвуд "Хетафе"да ижара асосида ўйнамоқда.
Ёш футболчига Испаниянинг "Барселона" ва "Aтлетико" клублари қизиқиш билдирмоқда. 2023/2024 йилги мавсумда Мэйсон Гринвуд 15 та расмий ўйин ўтказиб, бешта гол ва тўртта голли узатмани амалга оширди.
Нуфузли Трансфермаркт портали экспертлари футболчини 7,5 миллион еврога баҳоламоқда. Эслатиб ўтамиз, ўтган йили “Манчестер Юнайтед” Гринвудга нисбатан зўравонлик айбловлари олиб ташланганига қарамай, уни асосий жамоага қайтармасликка қарор қилган эди.
