"Наполи" раҳбарияти ҳали ҳам ярим ҳимоячи Пётр Зелиньски билан янги меҳнат шартномасини имзолаш борасида келиша олмади. Бу ҳақда инсайдер Николо Скира ижтимоий тармоқлар орқали хабар берди.
Агар томонлар келишувга эриша олмасалар, у ҳолда Миланнинг "Интер" клуби курашга киришади. "Нерадзуррилар" Пётр билан шартнома имзолашдан манфаатдор ва унга 4,5 миллион евро маош билан узоқ муддатли шартнома таклиф қилишга тайёр.
Зелиньски неаполликлар жамоасида 2016 йилдан буён ўйнаб келмоқда. Жорий мавсумда ярим ҳимоячи “Наполи” сафида 23 та ўйинда майдонга тушиб, 3 та гол ва 3 та голли узатмага муаллифлик қилган.
