Бирмингемнинг “Астон Вилла” жамоасида ўйнаётган колумбиялик ҳужумчи Жон Дюран “Туманли Албион”ни тарк этиши мумкин.
Инсайдер Экрем Конурнинг ижтимоий тармоқлардаги хабарларига кўра, жанубий америкалик футболчи Италия чемпионатида ишлаш имкониятига эга. Дюраннинг трансферига "Милан" қизиқиш билдирмоқда. “Россонери” футболчининг трансферини январ ойидаги трансфер ойнасида расмийлаштириши мумкин.
Жорий мавсумда ҳужумчи “Астон Вилла” сафида 21 та ўйинда қатнашиб, 4 та гол ва битта голли узатмани амалга оширди. Жоннинг трансфер қиймати 17 миллион еврога баҳоланмоқда.
