Birmingemning “Aston Villa” jamoasida o‘ynayotgan kolumbiyalik hujumchi Jon Dyuran “Tumanli Albion”ni tark etishi mumkin.

Insayder Ekrem Konurning ijtimoiy tarmoqlardagi xabarlariga ko‘ra, janubiy amerikalik futbolchi Italiya chempionatida ishlash imkoniyatiga ega. Dyuranning transferiga "Milan" qiziqish bildirmoqda. “Rossoneri” futbolchining transferini yanvar oyidagi transfer oynasida rasmiylashtirishi mumkin.

Joriy mavsumda hujumchi “Aston Villa” safida 21 ta o‘yinda qatnashib, 4 ta gol va bitta golli uzatmani amalga oshirdi. Jonning transfer qiymati 17 million yevroga baholanmoqda.