"Милан" вингери Шака Траоре Италия Кубоги ўйинидан сўнг журналистлар билан суҳбатлашди.
Стефано Пиоли жамоаси ғалабани 4:1 ҳисобида нишонлади, биринчи марта "россонерилар"нинг бошланғич таркибига чиққан 19 ёшли ивуариялик 50-дақиқада биринчи голни урди.
"Мен ҳали ҳам бу содир бўлганига ишонмайман. Буни узоқ вақтдан бери кутган эдим, лекин, албатта, жамоанинг ғалабаси биринчи ўринда туради.
Жуда ҳиссий лаҳза ва ростини айтсам, нима дейишни ҳам билмайман. Бизнинг жамоамизда Леау, Меньян, Жиру каби ҳақиқий Чемпионлар етарли ва улар ёш ўйинчиларнинг ўсишига ёрдам беради, маслаҳат беради. "Милан" футболкасини кийиш қанчалик қимматли эканлигини тушуниш жуда муҳим", деди ёш футболчи.