"Манчестер Юнайтед" "Кристал Пэлас" вингери Майкл Олисени трансфер мақсадлари рўйхатига қўшиб олди. Standard News хабарига кўра, манкунианликларнинг янги хўжайини сер Жим Ретклиффга футболчи жуда ёқади.
Қайд этилишича, "Манчестер Юнайтед" январда Олисенинг трансферини кўриб чиқа олмайди, бироқ ёзда келишувга эришиш эҳтимоли катта.
Олисе жорий мавсумда октабр ойида майдонга туша бошлаган, у аввалроқ жароҳати сабаб майдонга тушмаганди. 22 ёшли франциялик футболчи АПЛда 9та ўйинда майдонга тушиб, 5та гол ва 1та голли узатмани амалга оширган.