Лондоннинг “Челси” клуби яқин орада ҳужумчи билан шартнома имзолашни мақсад қилган. "Пенсионерлар"нинг асосий мақсади "Наполи" ҳужумчиси Виктор Осимхен.
Инглиз клуби африкалик футболчини қишда ёки мавсум охирида ўз сафига қўшиб олмоқчи. Потенциал транзакция қиймати тахминан 150 миллион еврони ташкил қилади. Осимхеннинг ўзи фаолиятини Туманли Албионда давом эттиришга тайёр.
Италия чемпионатининг жорий мавсумида Виктор 13 та ўйинда майдонга тушди. 25 ёшли ҳужумчи еттита гол ва иккита голли узатмани амалга оширди.
