Англиялик ҳимоячи Рис Уильямс Шотландиянинг "Абердин" клубида ижарада ўйнаб, муддатидан аввал "Ливерпул"га қайтди. Бу ҳақда "Ливерпуль" расмий сайти хабар берди.
"22 ёшли ҳимоячи Шотландия Премьер-лигаси жамоасидаги фаолиятидан кейин "Ливерпул"га қайтди. "Қизиллар" академиясига U10 даражасида қўшилган Уильямс шу кунга қадар Юрген Клопп жамоасида 19 та ўйин ўтказган, шунингдек, "Киддерминстер Харриерс", "Суонси Сити" ва "Блэкпул"да ижарада ўйнаган" - дейилади "Ливерпуль" расмий сайтида.
Рис Уильямс 2020 йил 24 сентябрь куни Англия Лига кубоги доирасидаги "Линколн Сити"га қарши ўйинда "Ливерпуль" сафида дебют қилди ва тўлиқ 90 дақиқа ўйнади. Ҳимоячи Англия ёшлар ва ўсмирлар терма жамоаларида ўйнаган.
