Лондоннинг “Вест Хэм” клуби марказий ҳимоячиси Наиф Агерга бир қанча хориж клублари қизиқиш билодирмоқда.
Инсайдер Фабрицио Романо ўзининг ижтимоий тармоқларида марокашлик футболчи Италиянинг икки клуби - "Милан" ва "Рома"нинг нишонида эканлиги ҳақида хабар берди. Саудия Арабистонининг номи ошкор этилмаган жамоалари ҳам Наифни сотиб олмоқчи.
Хабарларга кўра, барча қизиқишларга қарамай, Агер мавсум ўртасида "Вест Хэм"ни тарк этиши даргумон. Лондон клуби ўз ҳимоячисини қўйиб юбориш ниятида эмас, Наифнинг ўзи эса Англия Премьер-лигасида ўйнашдан хурсанд.
Эслатиб ўтамиз, Агер “Вест Хэм”да 2022 йилнинг ёзида Франциянинг “Ренн” клубидан кўчиб ўтганидан бери ўйнаб келмоқда.
